Bentley
Bentley спорттық автомобильдер ретінде емес, паровоз бренді ретінде аталуы мүмкін еді. Еңбек жолын локомотив зауытында бастаған Уолтер Бентлидің «алғашқы махаббаты» солар болды.
Танымал спорттық автомобиль брендінің негізін қалаушы Уолтер Оуэн Бентли әуелі мотоцикл жарысына қызығушылық танытты, содан кейін Лондонда француздық «D.F.P» автокөліктерін сата бастады. Тек кейін барып автомобиль жасаумен айналысты.
1919 жыл — Бентли толығымен өз идеяларына негізделген жоғары жылдамдықты спорттық автокөлік жасады. Автомобильде үш литрлік төрт цилиндрлі қозғалтқыш болды. Машина 1921 жылы шағын партиялармен өндіріске енді.
1922 — Bentley машиналары Турист Трофей жарысында командалық жүлдені жеңіп алды, ал бір жылдан кейін танымал сериядағы көліктің бірі Ле-Манның 24 сағатында» төртінші орын иеленді.
1924 жыл — аталған жарыста бірінші орын алды.
1925 жыл — Big Six моделі шықты.
1926 жыл — Bentley көлігіне алты цилиндрлі қозғалтқыш орнатты, соның арқасында оның көлігі көптеген жарыста жеңіске жетті.
1928-30 жылдар — 6,5 литрлік автомобильдер және оның «Speed Six» спорттық нұсқасы азғантай мөлшерде құрастырылған. Үш жылда бұл көлік екі рет Ле-Манда және үш рет Бруклендтегі жарыстарда жеңіске жетті. 1924 жылдан 1930 жылға дейін компанияның көліктері «Ле-Манның 24 сағатында» бес рет және басқа да көптеген жарыстарда жеңіс тұғырынан көрінді. Осы жеңістердің барлығы Bentley-дің онсыз да шарықтап тұрған беделін аспанға көтерді.
1930 жыл — Компания желісіндегі ең қымбат және беделді 8L моделі шығарыла басталды.
1931 жыл — Бентли қаржылық мәселелерге байланысты фирманы сатуға мәжбүр болды, осыған байланысты Bentley Rolls-Royce сауда белгісіне айналды. Сол уақытта SS Cars деп аталатын Bentley (дыбыссыз спорттық автокөлік дегенді білдіреді) жоғары сапалы британдық автомобильдер арасында сөзсіз алдыңғы орында болды.
1933 жыл — Rolls-Royce мамандарымен бірлесіп жасалған Bentley-дің бірінші — 3,5 L моделі пайда болды.
1936 жыл — Rolls-Royce 20/25HP және Rolls-Royce 25/30 HP негізіндегі 4,5L моделі пайда болды. 1930 жылдары Bentley Rolls-Royce-тен мұраға қалған жақсы қабылдағыштық пен сенімді шассиге ие болды. Бұған дейінгі нұсқаларынан бір айырмашылығы жүрісі жұмсақ, формалары тамаша болды. Бұл қасиеттер моделді сұлу және тартымды етіп тұрды. 1933 жылдан бастап құрылысы мен дизайны жағынан өте ұқсас жеті модель шығарылды. Сонымен қатар, Екінші дүниежүзілік соғыстан кейін бірден шығарылған Mk VI және R модельдері дизайны жағынан бірнеше ондаған жылдар бойы сақталған модельдер болып шықты.
1952 жыл — Continental (Континенталь) ұсынды. Бұл ең жылдам сериялық седан ретінде танымал болған екі есікті спорттық автомобиль болды.
1955 жыл — S сериясы маркалардың техникалық соңғы жақындығын көрсетті. Bentley S1 Rolls-Royce Silver Wraith-тің көшірмесі болды.
1963 жыл — S3 моделі пайда болды.
1965 жыл — Bentley T моделі шығарыла басталды.
1970-ші жылдар — Bentley сауда белгісі бар Mulsanne Turbo және Turbo R – турбоүрлеу модельдердің шығарылуы. Білгірлердің пікірінше, Mercedes-Benz 600SEL-мен салыстырғанда Bentley Mulsanne Turbo әлемдегі ең жақсы седандардың бірі.
1980 жыл — компанияның заманауи модельдік түрлері қалыптастырыла бастады. Mulsanne моделі таныстырылды.
1990 жыл — «90 жобасы» жүзеге асырыла бастады, ол әртүрлі шанақтарды және оларды ұқсас Rolls-Royce модельдерінен ажыратуға мүмкіндік беретін ерекше сыртқы түрі бар автомобильдердің біртұтас сериясын шығаруды қамтамасыз етті.
1991 жыл — Bentley Continental-Azure шығарылды. Кейінірек, 1996 жылы Continental R-ден кейін Continental T осы автомобильдердің шоғырына қосылды.
1996 жыл — Bentley Azure моделін шығару басталды.
1997 жыл — Turbo RT таныстырылды.
1998 жыл — Bentley Motors Volkswagen AG компаниясына тиесілі болды. Аталған компанияның заманауи өкілі — Continental — спорттық автомобильдің қасиеттерін және тек британдық люкс автомобильдерге тән талғампаздықты біріктірген. 1998 жылғы басқа Бентлилер сияқты, Continental легірленген дөңгелектері мен матрицалық торымен спорттық, агрессивті көрініске ие болды.
1999 жыл — Bentley бағдарламасында Arnage және Cotinental/Azure шоғыры болды. Bentley Arnage-дің Ла-Манш жарыс жолының ең тік бұрылыстарының бірінің атымен аталуы кездейсоқ емес. Бір кездері, осыдан 70 жыл бұрын, Bentley-дің мүлдем жаңа моделі жоғарыда аталған трассада 24 сағаттық жарыста жеңіске жеткен болатын.
2001 жыл — Bently EX Speed 8 2001 жылғы Детройт автосалонында дебют жасады.
2015 жыл — британдық брендтің модельдік ассортименті Bentley Bentayga люкс сегментінің кроссоверімен толықтырылды. Автокөлік Audi Q7 екінші буынында, Porsche Cayenne және Volkswagen Touareg үшінші буынында, сондай-ақ Bentayga ортақ қосымша бөлшектердің 20%-ға жуығын бөліскен Lamborghini Urus-та қолданылған Volkswagen MLB платформасында құрастырылған.
