Lamborghini Huracan мен Aventador-дың жаңа нұсқаларын сынады

Италиялық қымбат спорттық автомобильдерді шығарушы Automobili Lamborghini S.p.A. Еуропада «дала жағдайында» Huracan және Aventador спорткарларының жаңа нұсқаларын сынақтан өткізуде, деп хабарлайды naavtotrasse.ru.

Басылымның хабарлауынша, өткен аптада еуропалық бірқатар БАҚ келесі жылы шығады деп жоспарланған Huracan мен Aventador суперкарларының гибридті нұсқаларының «шпиондық» фотосуреттерін жариялады. Huracan-ның жаңа нұсқасы гибрид болады, сонымен қатар оның дизайны отындық прототипіне тән негізгі сипаттарды сақтап қалады. Дегенмен басылымның инсайдерлері Huracan-ның гибрид жүйесі өнімділікті айтарлықтай арттырады, ал қозғалтқышы Lamborghini-дің спорттық сипаттамаларына сәйкестендірілген деп айтады.

Жаңа Huracan трансмиссияның екі нұсқасының бірімен ұсынылмақ. Біріншісі – ол бүгінде Bentley және Lamborghini Urus-тың шыққалы тұрған нұсқасын қоса алғанда Volkswagen Group басқа көптеген өнімдерінде пайдаланылатын V8 қосылғыш гибрид жүйе. Тағы бір нұсқа — V10 ағымдағы 5,2-литрлік қозғалтқышқа негізделген қосылғыш модульді гибрид жүйе. Lamborghini сонымен қатар жаңа Aventador 2023-пен де жұмыс істеп жатыр: оның негізі қосылғыш гибрид технологиясы бар V12 қуатты қозғалтқыштан тұрады.

Нәтижесінде жаңа Aventador қуаты 800 ат күшінен асуы мүмкін — бұл модель 2024 жылдан бастап іштен жанатын қозғалтқыштардан бас тартуды көздеп отырған Lamborghini желісін электрлендірудің басталуын білдіреді деп күтілуде. Конструкциялық және технологиялық жабдықты аздап жаңартумен қатар, бұл модель механикалық бөлікте маңызды өзгеріске ие болады: 6,5 литрлік V12 қозғалтқышы мен электр қозғалтқышынан тұратын қосылатын гибридті жүйе пайда болады. Бұдан басқа, литий-ионды аккумулятор болады, ол көбірек өнімділікті қамтамасыз етеді.

Еске салайық, бұған дейін итальяндық қымбат спорттық автомобильдер өндірушісі бірінші жартыжылдықта рекордтық деңгейде сауда жасағанын жариялаған болатын — компания биылғы қаңтар-маусым айларында 5090 көлік сатқан және келесі 2023 жылға тапсырыстар пакетін толығымен жинаған.

Lamborghini бірінші жартыжылдықта рекордтық пайда тапқаны туралы жариялаған екінші люкс автокөлік өндірушісі болды: оның алдында 1998 жылдан бері немістің Volkswagen AG концернінің құрамына кіретін британдық Bentley Motors Ltd. жаһандық экономикалық тұрақсыздыққа қарамастан 2022 жылдың қаңтар-маусым айларында 398 миллион еуро рекордтық табыс тапқанын хабарлады.