Lamborghini рекордтық сауда жасағанын мәлімдеді

Итальяндық қымбат спорттық автомобильдер шығаратын Automobili Lamborghini S.p.A. алғашқы жартыжылдықта рекордтық сауда жасағанын және келер 2023 жылға тапсырыстардың толық пакетін жинағанын жариялады.

Компанияның ресми сайтындағы хабарламада айтылғандай, 2022 жылдың алғашқы жартыжылдығы Automobili Lamborghini S.p.A. үшін табысты кезең болды. Компания биылғы қаңтар-маусымда 5090 автомобиль саудалаған, бұл 2021 жылдың сәйкес алты айымен салыстырғанда 4,9%-ға көп. Былтыр жыл бойы барлығы 8405 бірлік осы маркадағы автомобиль сатылған. Ол  да  Lamborghini үшін рекордтық көрсеткіш болды.

Сонымен қатар компанияның 2022 жылғы алғашқы жартыжылдықтағы айналым қаражаты 30,6%-ға, 1,33 млрд еуроға дейін, ал табысы — 69,6%-ға, 425 млн еуроға дейін өсті. Брендтің негізгі нарығы АҚШ болды:  мұнда 1521 көлік сатылды, одан кейін материктік Қытай, Гонконг және Макао (576 бірлік), Германия (468 бірлік), Ұлыбритания (440 бірлік) және Таяу Шығыс (282 бірлік) тұр. Lamborghini-дің көп сатылған моделі — Urus Super SUV, оған жалпы сауданың 61% тиесілі.

Тағы екі модель — Huracan және Aventador суперкарлары — сауданың 39% құрады, ал Aventador-дың сұранысқа ие болу себебін компания сарапшылары бұл модельдің өндірістен алынатындығымен байланыстырады. Оның орнына биылғы сәуірде таныстырған Huracan Tecnica моделі келеді. Айта кету керек, Urus Super SUV 2021 жылы да сатылым бойынша алда: өткен жылдың соңында ол сауданың шамамен 60%-ын құрайды немесе компания сатқан 8 405 автокөліктің 5 021-і осы модельге тиесілі.

Төраға әрі бас атқарушы  директор  Automobili Lamborghini S.p.A. Стефан Винкельманн компанияның келешегі өткен жартыжылдықтың нәтижелері сияқты жағымды екенін: бренд келесі жылдың соңына дейін, яғни 2023 жылға дейін тапсырыстар портфолиосын жинап үлгергенін атап өтті. Сонымен қатар, осы жылдың соңына дейін Lamborghini үш жаңа өнімін көрсетпекші: екеуі — Urus желісінікі, біреуі — Huracan-дікі, жаңа өнімдерді көрсету тамыз айында басталады.

Компания өкілдерінің айтуынша, модельдердің таныстырылымы 2023 модельдік жылына тиесілі жаңа  Urus-тан басталады. Айта кетейік, биыл «таза» ішкі жану қозғалтқыштары бар суперкарлардың өндірісі тоқтайды, осының алдында компания басшылығы 2023 жылы Lamborghini электрлендірілген электр станциялары бар автомобильдерге көшуді бастайтынын, оны әзірлеуге 1,8 млрд еуро жұмсайтындарын мәлімдеген.

Lamborghini бірінші жартыжылдықта рекордтық табысы туралы жариялаған люкс автокөліктердің екінші өндірушісі болды: бұдан бұрын 1998 жылдан бері немістің Volkswagen AG концернінің құрамына жүрген британдық Bentley Motors Ltd. қаңтар-маусым айларында қол жеткізген рекордтық табысы туралы хабарлады. Ол жаһандық экономикалық тұрақсыздыққа қарамастан 2022 жылғы қаңтар-маусымда 398 миллион еуро табыс тапты.