Mercedes-Benz
Mercedes-Benz сауда белгісі және осы аттас компания — премиум класстағы жеңіл автомобильдерді, жүк көліктерін, автобустарды және басқа да көліктерді өндіруші, неміс концернінің «Mercedes-Benz Group» құрамына кіреді.
Бұл әлемдегі ең танымал автомобиль брендтерінің бірі. Mercedes-Benz-тің штаб-пәтері Штутгарт қаласында, Баден-Вюртемберг, Германияда орналасқан.
Бренд атауы 1926 жылы екі бәсекелес фирманың Benz & Cie. (Карл Бенц негізін қалаған) және Daimler-Motoren-Gesellschaft (Готтлиб Даймлер негізін қалаған) Daimler-Benz концерніне бірігуі арқылы қабылданды. Бренд атауы біріккен компаниялардың ең маңызды екі көлігінің –1901 жылғы Mercedes және 1886 жылғы Benz Patent-Motorwagen атауынан алынған.
2018 жылы Mercedes-Benz бренді 48,601 миллиард долларға бағаланып, автомобиль өндіруші компаниялар арасында екінші орынды (Toyota-дан кейін) және әлемдегі барлық брендтер арасында сегізінші орынды иеленді. BrandZ мәліметтері бойынша, 2018 жылы бренд Топ-100 ең құнды жаһандық брендтер тізіміне енді, онда ол $25,684 миллиард құнымен ең құнды брендтер арасында 46-орынды иеленді. 2019 жылы Mercedes-Benz бренді 60,355 миллиард долларға бағаланды, осылайша автокөлік шығаратын компаниялардың рейтингінде бірінші орынға шықты.
