Genesis
Genesis (Женезис — ағылшын тілінен Genesis — «шығу», «қалыптасу», «пайда болу») — Hyundai Motor компаниясының қосалқы бренді болып табылатын премиум-автомобиль бренді. Ол G90, G80 және G70 седандарының үш моделін, сондай-ақ GV70, GV80 және электрлік GV60 үш кроссоверін ұсынады.
2015 жылдың жазында Hyundai Motor Америка Құрама Штаттарында екі есікті, төрт орынды Vision G купе концепциясын таныстырды. Ол премиум сегменттегі болашақ автомобильдер шоғыры үшін стильдің түпбейнесі болды. 2015 жылдың қарашасында компания Genesis қосалқы брендін құру туралы ресми түрде жариялады. Автокөлік модельдері әріптік-сандық белгіні алды.
2015 жылдың желтоқсанында брендтің бірінші көлігі — Hyundai Equus-тің мұрагері болған Genesis G90 келісті седаны таныстырылды. Кейін көлік Оңтүстік Корея, АҚШ, Таяу Шығыс және Ресей нарықтарында сатылымға шықты.
Брендтің екінші моделі, Genesis G80 седаны 2016 жылдың қаңтарында Детройттағы Солтүстік Америка автосалонында ұсынылды. Көлік 2013 жылы ұсынылған екінші буын Hyundai Genesis моделінің қайта өңделген нұсқасы болып табылады. Маусым айында Пусан халықаралық автосалонында өзгертілген бампер, тор, артқы диффузор және төрт шығару құбыры бар Genesis G80 Sport модификациясы да ұсынылды. Автокөлік G90 моделіндегідей қозғалтқыш түрлерімен шығарылады.
2016 жылдың наурыз айында Нью-Йорк автосалонында Hyundai G70 прототипі болуы мүмкін Genesis New York Concept деп аталатын концептуалды седанды таныстырды.
2017 жылы 15 қыркүйекте Сеул Олимпиадалық саябағында өткен G70 Seoul 2017 жаһандық тұсаукесері шарасына 15 000 адам қатысты.
Ресейде Genesis G90-ның премьерасы 2016 жылдың қыркүйегінде өтті. Сондай-ақ тұсаукесерде өндірушінің 2020 жылға қарай Genesis брендімен жеті модель, оның ішінде үш седан, екі кроссовер, спорттық купе және G90 седанының кеңейтілген нұсқасы болып табылатын лимузинді шығару жоспарлары мәлім болды.
2019 жылдың 3 маусымында Genesis премиум автомобиль бренді Genesis G90 моделінің жаңа нұсқасын ұсынды. Өзгерістер автомобильдің сыртқы және интерьер дизайнына, сондай-ақ опциялар жиынтығына, қосымша шешімдер мен жаңа технологияларға әсер етті.
