Қазақстанда Changan-ның жаңа модельдерін таныстырды

Алматыда Changan маркасының  отандық нарыққа арналған CS55 Plus және CS35 Plus модельдері таныстырылды. Қазақстандағы қытай брендінің ресми дистрибьюторы Silkway Auto Kazakhstan («Астана Моторс» құрамына кіреді) екенін айта кетейік.

Changan CS35 Plus кроссовері 1,4 литрлік 150 ат күші бар турбо қозғалтқышпен және 7-сатылы DCT беріліс қорабымен жабдықталған. Аталмыш көлік алдыңғы жетекті болып келеді.

Changan CS35 Plus көлігі бәсекелестеріне қарағанда, біршама үлкен. Оның ұзындығы — 4 335 мм, ал биіктігі 1 660 мм-ді құрайды.

Жаңа көлік екі жиындықта сатылады — Comfort және Luxe. Біріншісінің құны 11,29 млн, ал екіншісі 12,09 млн теңге тұрады.

Ал Changan CS55 Plus-тің бағасы 11,99 млн мен 13,39 млн теңге аралығында болады. Темір тұлпар 181 ат күші бар 1,5 литрлік турбо қозғалтқышпен жабдықталған.

Changan CS55 Plus-тің өлшемдеріне келсек, ұзындығы — 4 515 мм, ал биіктігі 1 680 мм-ді құрайды. Қытайлық көліктің «35»-ші моделінде 18 өлшемді жеңілқорытпалы диск, ал «55»-ші нұсқасында 19 өлшемдісі орнатылған.