Қытайда ұсталған көліктердің қайсысының бағасы қымбат

Мұндай қорытынды Қытайда 2021 жылдың төртінші тоқсанынан бастап биылғы үшінші тоқсан аралығында сатылған 250 мыңнан астам бензинді және электрлі ұсталған автомобиль бойынша жүргізілген сауалнама негізінде жасалды, деп хабарлайды Сhina Daily.

Автомобильдің қалдық құны оны ұсталған автомобиль ретінде сату бағасы мен оны жаңа автомобиль ретінде сату бағасымен айырмашылығы есептеледі.

58che салалық сайтымен бірлесіп JD Power China жариялаған есепке сәйкес, Toyota Lexus қымбат көліктер бөлімшесінің үшжылдық автомобильдері орташа алғанда алғашқы бағасының 68,5%-ы көлемінде сатылған, өйткені жаңа автомобильдер енді ғана конвейерден шығып жатқан болатын.

Айта кету керек, Қазақстанда да, CARMA.KZ редакциясы алған Автонарықты талдау және мониторингілеу орталығының (ҚАБҚ) ҚР-дағы ұсталған автомобильдер нарығының жағдайы туралы зерттеуінде Toyota Lexus моделінің қалдық бағасы әлдеқайда жоғары және жаңа модельдің 85%-ы шамасын құрайды.

Қытайлық рейтингтің үздік бестігіндегі басқа үш жапондық бренд 63,9%-бен Dongfeng Honda, 60,8%-бен GAC Honda және 59,7%-бен GAC Toyota тұр.

Немістің қымбат көліктер шығаратын Porsche-сі үздік бестіктегі жапондық емес жалғыз бренд. Ол 63,5%-бен үшінші орында.

JD Power China есебіне сәйкес, ұсталған автомобильдің саудасының үштен бірі аз литражды және шағын автомобильдер сегментіне тиесілі, ол ең алдымен баға мен сапа арақатынасының көңілге қонымдылығы, сондай-ақ қолжетімділігіне байланысты болса керек.

Сарапшылар атап өткендей, бензинді автомобильдермен салыстырғанда электромобильдердің қалдық бағасы әлдеқайда төмен, өйткені аккумуляторларының сипаттамасы нашарлайтындықтан ұсталған автомобильдердің жүріс қоры өте қысқа болады.

Биыл бұл тізімді Tesla бастап тұр, оның бір жыл ұсталған автомобильдерінің бағасы бастапқы бағасының 76,4%-ын құрады. Одан соң Xpeng және Nio, BYD, Roewe (SAIC) тұр.

Қытайдың автодилерлер қауымдастығының статистикасына сүйенсек, биылғы тамызда 1,47 млн ұсталған автомобиль сатылған, бұл шілдемен салыстырғанда 1,69%-ға көп. Олардың жалпы көлемі биылдың алғашқы сегіз айында 10,5 млн бірлікке жетті.