Ресейде қытай автомобильдері үшін арнайы мотор майы әзірленді

«Лукойл» қытай автомобильдері үшін арнайы Lukoil Genesis Armortech CN мотор майын әзірлеп шығарды. Жергілікті нарықта Аспанасты елі көліктерінің үлесі өскен соң ресейлік компаниясы осындай шешімге келген.

Lukoil Genesis Armortech CN майын «Лукойл» мамандары қытай автомобильдері қозғалтқышының ерекшеліктерін ескеріп жасап шығарды. Оларда негізінен турбиналы моторлар, сонымен қатар жетілдірілген бүріккіш жүйесі бар қозғалтқыштар мен  үлкейтілген жану камерасы бар қозғалтқыштар орнатылған.

Яғни орташа статистикалық қытай автомобильдерінің қозғалтқышы — ол 150 ат күші бар турбиналық қысым көтеру қарастырылған күштік агрегат болып келеді, деп жазады «Қытай автомобильдері» порталы.

Қытай автомобильдері еуропалық көліктердің негізінде жасалғанына қарамастан, оларға арналған май азиялық та, америкалық талаптарға сәйкес келе береді.

«Лукойл»дың жаңа мотор майы 2022 жылғы желтоқсан айының екінші жартысында сатыла бастайды. Қазір оны сынақтан өткізіп жатыр.