FAW-Volkswagen 25 миллионыншы автомобилін шығарғанын жариялады
Компания 2020 жылы 20 млн автомобиль шығарғанын хабарлаған болатын.
FAW-Volkswagen қытай-неміс бірлескен кәсіпорны шығарған автомобильдерінің саны 25 млн-ға жеткенін хабарлады. Компания 1991 жылдан бері жұмыс істейді, деп жазады Chindaily.
Айта кетерлігі сол, FAW-Volkswagen 2020 жылдың наурызында 20 млн автомобиль өндіргендерін жариялаған еді. Соңғы 2,5 жыл ішінде Қытайда 5 млн-нан артық көлік шығарып, сатқан жалғыз осы қытай-неміс компаниясы ғана.
FAW-Volkswagen өкілдері 25 млн автомобильді шығару барысында індет, чип жетіспеушілігі және табиғат апаттары секілді талай кедергілерден өткергендерін айтады.
Қазір оның Қытайдың бес қаласында — Чанчунь, Фошань (Гуандун провинциясы), Чэнду (Сычуань провинциясы), Циндао (Шаньдун провинциясы) және Тяньцзиньда кәсіпорны бар.
Ербол Мухамбаев, корреспондент
28.10.2022, 15:23
