Сегменттер бөлінісіндегі автомобиль нарығы: 2020 жылдың қорытындысы

Есептік кезеңнің нәтижелері бойынша ресми дилерлер 89 097 автомобильді саудалаған, бұл 2019 жылғы нәтижеден 24,8%-ға жоғары.

Қазақстандық нарықтың ең ірі сегменті — компакт санаттағы автомобильдер (В-сегмент), олардың үлесі 45,8%, немесе 40 777 бірлікті құрады. 2019 жылмен салыстырғанда нарықтың аталған сегменті 76,9%-ға өскен. Үздік үштікті Lada Granta (7 558 бірлік; +50,1%), Ravon Nexia (5 945 бірлік; +98,9%) және Hyundai Accent (5 160 бірлік; +47,6%) құрады.

Қазақстандықтар арасында салыстырмалы түрде алғанда кроссоверлер мен жол талғамайтын көліктер аса сұранысқа ие. SUV санаттағылардың үлесі 35,9% немесе 31 975 бірлікті құраған, өсім 6%. Бұл жерде Hyundai Tucson (4 903 бірлік; +4,8%), Hyundai Creta (3 495 бірлік; +28,3%) және Lada 4х4 (3 188 бірлік; -14,8%) көш бастап тұр.

Toyota Camry (4 297 бірлік; -32,9%), Hyundai Sonata (943 бірлік; өсім 4,7 есе) және Chevrolet Malibu (305 бірлік.) автомобильдері D-санаттағы (6,7%; 5 929 бірлік) отбасылық автомобильдер арасында аса сұранысқа ие көліктердің үштігіне жатады.

Коммерциялық жеңіл автомобильдер (LCV) сегменті нарықтың 5,6% үлесіне ие, немесе 4 998 бірлік техника. Бұл жерде GAZ Next (2 682 бірлік; +32,6%), UAZ 3909 (597 бірлік; -2,1%;) және UAZ 3962 (262 бірлік; +30%) алдыңғы орында тұр.

Жағымсыз динамиканы С-сегмент немесе гольф-санат көрсетті (3,5%; 3 155 бірлік), мұндағы сауда 39,4%-ға төмендеген. Көшбасшылардың барлығының саудасында айтарлықтай құлдырау болған салғыз сегмент осы. Оның рейтингісі келесідей болды: Hyundai Elantra (2 027 бірлік; -23,3%), Toyota Corolla (693 бірлік; -49,7%) және KIA Cerato (318 бірлік; -42,5%).

Қалған сегменттердің үлесі 2% межеге жетпейді. Үлесі өте мардымсызы спорткупе болды, S сегментке сауданың 0,03% тиесілі.

ҚР автомобиль нарығы сегменттерінің рейтингі, 2020