«Москвич 3» көлігінің бағасы шамамен қанша тұратыны белгілі болды
Көліктің бағасы ресейлік жеңілдетілген көлік несиесі бағдарламасында белгіленген лимитке сай болады.
«Москвич 3» кроссоверінің бағасы шамамен 1,6-2 млн рубльдей (12,3-15,4 млн теңге) болады, деп хабарлайды өзінің дереккөздеріне сілтеме жасаған «РИА Новости».
«Оның құны 27-33 мң долларды құрап қалады. Егер автомобильді алдағы уақытта жеңілдетілген автонесие бағдарламасына қосатын болса, онда бағасы одан да төмен болуы мүмкін», — деп атап өтті дереккөз.
Басқа бір дереккөзден айтуынша, «Москвич 3»-тің бағасы қытайлық баламасына пара-пар болмақ.
«Китайские автомобили KZ» телеграм-арнасының деректері бойынша, қытайлық баламасы деп айтып отырғандары — JAC JS4 моделі. Олардың айырмашлығы капотындағы эмблемасында ғана.
Ербол Мухамбаев, корреспондент
25.11.2022, 14:08
