Honda жаңартылған Accord-тың дизайнын көрсетті

Жапонның көлік өндірушісі Honda Accord-тың 11-ші буынын ресми түрде таныстыру қарсаңында оның дизайнын көрсетті.

Компаниядағылар модельдің жаңартылған түрі бәсекелестерден айтарлықтай өзгеше болады деп отыр. Атап айтқанда бұл жолғысында Honda Accord-тың 11 нұсқасында болған алдыңғы жағындағы хромдалған жапсырмалар алынып тасталады, ал салонға мультимедиалық жүйе мен сандық құралдар панелі орнатылады.

Жаңа Accord-тың техникалық бөлшектері туралы әзірге ақпарат жоқ. Honda өкілдері автомобильде гибрид қондырғы болатыны жайында ғана мәлім етті, деп жазады IXBT

Accord-тың жаңа буынынан бөлек, Honda электрлі кроссоверін де таныстырмақшы. Prologue деп аталатын модель бірнеше жылдан кейін пайда болады.